Эрхэм хүндэт JCI –н үе үеийн Ерөнхийлөгчид, Сенаторууд, гишүүд, сонирхогчид оо.
JCI Монголын Үндэсний 13-р чуулганд зориулан зохион байгуулж буй үйл ажиллагаануудад идэвхитэй оролцсон бүх гишүүд, оролцогчиддоо нийт гишүүдийнхээ өмнөөс баярлаж талархсанаа илэрхийлье.
Дэлгэцийн Гольфийн аварга шалгаруулах тэмцээнийг JCI Leader салбар байгууллагаас 2010 оны 7-р сарын 3-ны бямба гарагт Гольф Галлерей-д амжилттай зохион байгууллаа. Энэхүү тэмцээн нь JCI Монголын Үндэсний 13-р чуулганы хандивын тэмцээн гэдгээрээ онцлог байлаа. Гольфийн тэмцээнд нийт 24 тамирчид оролцсоноос 5 эмэгтэй тамирчин, 19 эрэгтэй тамирчин оролцлоо. Тэмцээний аваргаар JCI Чайрман салбар байгууллагын гишүүн Ганбаяр шалгарч, 2-р байранд JCI Капитал салбарын гишүүн Ц.Амараа нар тус тус шалгарч 1500 000 төгрөгийн шагналын сангийн эзэд боллоо. Дашрамд дурдахад Ганбаяр маань Олон улсын Гольфийн холбооны гишүүн юм байна. Тэмцээний үеэр Longest drive тэмцээн зохион байгуулж JCI Лидерийн гишүүн А.Хашчулуу түрүүлсэн бол Nearest drive тэмцээнд JCI Монголын Үндэсний Дэд Ерөнхийлөгч Баттулга нар тус тус түрүүлсэн. Уг тэмцээний үеэр мөн JCI Монголын 13-р чуулганы Алтан хандивлагчаар JCI Эрдэнэт салбар байгууллагын гишүүн Гансүх тодорсон. Гансүх гишүүн нь Үндэсний 13-р чуулганд зориулан хувиасаа 1 сая төгрөгийг хандивласнаас гадна дуудлага худалдаагаар Гольфийн иж бүрэн цохиур хэрэгслийг авсан юм. Энэхүү Гольфийн иж бүрэн цохиурын сет-нд дагалдаад Чайрман салбарын Ганбаяр гишүүн 3 хоног АНУ-д очиж Гольф тоглох зардлыг нь даах эрхийг дагалдуулан урамшууллаа. Мөн Чуулганд зориулан JCI Эрдэнэт салбар байгууллагын 2010 оны Ерөнхийлөгч Гантөмөр хувиасаа 1 сая төгрөгийг хандивлаж байгаагаа албан ёсоор дуулгасан. Гольфийн тэмцээнд салбар байгууллагын гишүүдээ амжилттай зохион байгуулж оролцуулсан Тайшир Ерөнхийлөгчтэй УБ Централ салбар байгууллагад Гольф галлерейд 1 өдөр баг хамт олноороо ирж тоглох эрхийн бичгээр урамшуулсан. Тэмцээний үеэр сугалаа явуулж олон азтан тодруулсан бөгөөд оролцогч бүртээ гарын бэлэг гардуулж тэмцээнд оролцогчиддоо урамшууллаа.
