JCI БАЙГУУЛЛАГА - ӨНӨӨДӨР
      JCI байгууллага нь Дэлхийн хэмжээнд залуу удирдагчид, ажил хэрэгч хүмүүсийн сайн дурын үндсэн дээр идэвхтэй үйл ажиллагаа явуулдаг байгууллага болохын хувьд НҮБ-ын ЮНИСЕФ, ЮНЕСКО-н үйл ажиллагаанд байнга идэвхтэй оролцож,дэлхийн хэмжээнд танигдсан олон улсын байгууллага болтлоо өргөжжээ.
      Өнөөдрийн байдлаар 120 гаруй орны 5000 орчим салбар байгууллагын 18-40 насны 200.000 идэвхтэй, 1.000.000 илүү дэмжигч гишүүдийг эгнээндээ нэгтгэжээ.Дэлхийн JCI нь ICC /Олон Улсын Худалдааны Танхим/, Удирдлага Хөгжлийн Оюутны Холбоо, РАНО /Пан Азийн болон Дэлхийн Эрүүл Мэндийн Байгууллага /CONGO /Төрийн бус байгууллагуудын чуулган/, YBI /Олон улсын залуу бизнесмэнүүдийн холбоо/, НҮБ, Интер-Америкийн сан зэрэг олон улсын томоохон байгууллагуудтай хамтран идэвтэй үйл ажиллагаагаа явуулж байна.

JCI - Н ҮЙЛ АЖИЛЛАГААНЫ ҮНДСЭН ЧИГЛЭЛ
      JCI-г залуу хүмүүст өргөн боломж олгодог байгууллага гэж ойлгож болох бөгөөд гишүүн болсоноор бид өөрт болон нийгэмд юу шаардлагатайг олж мэдэхээс гадна өөрсдийн үйл ажиллагааг хөгжүүлэх өргөн боломжийг хувь хүний, хамт олны, олон улсын ба бизнесийн хүрээнд ашиглаж болох юм.JCI-нь байгуулагдсан цагаасаа Бизнес, Хамтын ажиллагаа, Олон нийт, Хувь хүн, Удирдлага гэсэн таван салбарт үйл ажиллагаагаа чиглүүлэн үүнийгээ залуучуудад олгож буй таван боломж гэж үзэж байсан юм.1999 онд Францын Канн хотод чуулсан JCI-н 54-р чуулганаар "удирдлага " гэсэн тав дахь салбарыг бусад бүх боломжийг үүсгэн бий болгох, хэрэгжүүлэхэд зайлшгүй хэрэглэгдэх тул тусдаа бие даасан хэлбэрээр байх шаардлагаүй хэмээн үзэж хассан байна.

Бизнес: JCI нь Дэлхийн болон Үндэсний чуулган,сургалт уулзалтуудыг зохион байгуулах замаар гишүүдэд бизнесийн үйл ажиллагаагаа амжилттай явуулдаг дэлхийн пүүс, компаниудад айлчилж туршлага солилцох, энэ чиглэлийн сургалт семинарт оролцох боломжоор хангадаг.

Гадаад харилцаа: Олон улсын чуулга уулзалт, сургалт, академи болон үндэсний байгууллагуудын хамтарсан төслөөр дамжуулан орон орны залуучуудтай нөхөрлөх, үзэл бодлоо соллилцох, дэлхийн бусад орны соёл, ёс заншилтай танилцахын зэрэгцээ дэлхий нийтийн тулгамдсан асуудлууд, тэдгээрийг шийдвэрлэх гарц, боломжийг хамтдаа эрэлхийлэх, гар бие оролцох боломжоор гишүүдээ хангадаг.

Олон нийт: Гишүүддээ нийгэм, олон нийтийн үйл ажиллагаанд идэвхтэй оролцох боломжийг олгодог.JCI-н шугамаар тухайн улс үндэстнийхээ хөгжилд хувь нэмэр болохуйц олон төрлийн төслүүд жил бүр хэрэгжиж байна.Үүнд : Шинэ зуунд хүрэх гүүр, Залуучууд ба Хүүхэд, Энхтайван, Тогтвортой хөгжил гэх мэт хөтөлбөрүүд нь эдийн засгийн байдлыг сайжруулах, хүрээлэн буй орчин, хүүхдийн хөгжил хамгаалал зэрэг нийгмийн эмзэг асуудлуудад чиглэгдэн дорвитой үр нөлөө үзүүлсээр иржээ.

Хувь хүн: Залуучуудын хүсэл мөрөөдөл,ирээдүйд итгэх итгэл, чөлөөт, бүтээлч сэтгэлгээ, хийж бүтээх эрч хүч, удирдах ур чадварыг хөгжүүлэхэд чиглэгдсэн гадаад дотоодын олон сургалт семинар, нөхөрсөг уулзалт, чуулганыг зохион байгуулах замаар хувь хүнийг хөгжүүлэн төлөвшүүлж, ингэснээрээ нийгэмдээ ч эерэг хувь нэмэр оруулдаг.Мөн JCI-н сургалтын институтын тусгай хөтөлбөрт гишүүдийг хамруулсанаар байгууллага хамт олныг олон улсын төвшинд удирдан зохион байгуулах чадвартай залуу удирдагчдыг бэлтгэдэг.

Хаяг:

Junior Chamber International
15645 Olive Bld.
Chesterfield, MO 63017, U.S.A.

1-636-449-3100
1-800-905-5499 (from U.S. only)
Fax: 1-636-449-3107

VVСЭЛ СЭДЭЛ
      JCI -н гарал vvслийг АНУ-ын Миссури мужийн Сэйнт Луйс хотоос эхлэлтэй гэж үзэж болно.Генри Гессинберг гэгч залуу найзуудтайгаа нийлэн Геркуланеумийн бvжгийн клубыг байгуулсан бөгөөд тухайн клубын vндсэн зорилго нь уламжлалт бvжгийн хэлбэрvvдийг хадгалан авч үлдэх зорилготой байлаа.Vvнээс хойш таван жилийн дараа буюу 1915 онд Сэйнт Луйс хотын хүндэт иргэдийн нэг болох хурандаа Х.Н.Морган бvжгийн клубын гишvvдийг орон нутгийнхаа vйл амьдралд илүү их оролцохыг уриалж, улмаар Залуучуудын дэвшилтэт иргэний холбоо хэмээх байгууллагыг 1915 оны 10-р сарын 13-нд байгуулсан байна.Гишvvдийн тоо ердөө таван сарын дотор 750 болж өссөн байна.
      1916 онд нэрээ өөрчилж Идэр залуу иргэдийн танхим буюу JC/Junior Chamber/ гэгдэх болжээ.Удалгүй JC нь Сэйнт Луис хотын Худалдаа Аж Vйлдвэрийн танхимд харъяалагдах болсоноор Сэйнт Луис хотын Идэр залуучуудын Аж Vйлдвэрийн Танхим гэгдэх болжээ. Дэлхийн II дайны vед Гиссенберг АНУ-ын бусад хотууд дахь адил төстэй залуу бизнесмэнvvдийнн байгууллагуудтай холбоо тогтоож эхэлсэн ба улмаар 29 клуб нэгдэн Идэр Залуучуудын Худалдаа Аж Vйлдвэрийн Танхимыг байгуулан анхны ерөнхийлөгчөөрөө Генри Гиссенбергийг сонгосон байна.
      1923 онд Английн Виннепег хотод Худалдааны зөвлөл байгуулагдсанаар тус байгууллагын олон улсын тавцанд салбарлах vйл ажиллагаа эхэлсэн.1940 онд тухайн байгууллагаас Төв болон Өмнөд Америкийн орнуудын дунд аль алинд нь сонирхолтой хөтөлбөрийг баталсан байна.
Тvvнчлэн 1943 онд Мехико, Гуатемала, Панама хотууд болон Эль Сальвадор, Гондурас, Никарагуа, Коста Рика улсуудад JCI-н салбарууд байгуулагдан vйл ажиллагаа нь хvрээгээ тэлж дэлхийн шинж чанартай олон нийтийн үүсгэл санаачлагын байгууллагын шав тавигдаж эхэлжээ.

JCI БАЙГУУЛАГДСАН НЬ
      1944 оны 12-р сарын 11-нд 9 орны төлөөлөл болсон залуучууд Мексикийн Мехико хотод цуглан хуралдаж Дэлхийн JCI-г г vндэслэн байгуулж Мексикийн Рауль Гарсиа Видалийг JCI-н анхны ерөнхийлөгчөөр сонгосон байна.JCI-н анхны бvрэлдэхvvнд Коста Рика, Эль Сальвадор, Гуатемала, Гондурас, Мексик, Никарагуа, Панам, АНУ зэрэг Америк тивийн улс орнууд оролцсон байна.
      1946 оны 2-р сард Панама хотод Дэлхийн хэмжээний анхдугаар конгрессийг хуралдаж, эндээс төлөөлөгчид тvр үндсэн дvрмийг батлан гаргаж, мөн "худалдааны" гэсэн vгийг албан ёсны нэрнээсээ хасчээ.Тухайн хуралд JCI-н анхны ерөнхийлөгч болох Рауль Гарсиа Видал өвчний улмаас ирээгvй тул конгрессийг Панамын Эрозма Чамборннет тэргvvлэн явуулсан бөгөөд тэрээр JCI-н хоёр дахь ерөнхийлөгчөөр сонгогдов.Мөн Австрали, Канад улсууд албан ёсоор холбоонд нэгдсэнээр эгнээ нь өргөжлөө.
      1948 онд Рио Де Жанейро хотод болсон JCI-н IV конгрессоос JCI-н Итгэл vнэмшил буюу CREED-г албан ёсоор баталжээ. 1972 онд нэрээ "Jaycees International" гэж өөрчилсөн ч 1988 онд хуучин нэрээ сэргээсэн байна. JCI-н төв байр 1951 онд байгуулагдсан бөгөөд 1969 оноос хойш АНУ-ын Флорида муж улсын Кораль Гейблд, 2000 оноос АНУ-ын Миссури мужийн Сэйнт Луйс хотод тус тус шилжин байрласан.Эдvгээ JCI-н төв байранд мэргэжлийн 20 гаруй ажилтан ажилладаг.